Portada da Igrexa de San Martiño de Moaña

A porta principal desta igrexa ábrese acubillada por dous pares de columnas -dúas lisas e dúas salomónicas- sobre as que descansan varios arcos de medio punto. Dentro destes arcos atopamos un tímpano figurado do século XII. A inscrición que aquí aparece, ademáis de sinalar en latín que a igrexa se consagrara baixo o padroado de San Martiño, San Emiliano e San Bricio, remata coa inscrición "ARIAS FECI"; este epígrafe fai referencia a un personaxe da liñaxe dos Arias, familia que vivía no Morrazo e tamén entre os abades do mosteiro de Ermelo, que debeu mandar facer esta xoia arquitectónica de Moaña. Consulta [aquí](https://www.google.es/maps/place/42%C2%B017'07.4%22N+8%C2%B044'56.5%22W/@42.285387,-8.7495872,140m/data=!3m2!1e3!4b1!4m2!3m1!1s0x0:0x0) a súa ubicación.