Petróglifo de Mogüelos (Grupo III)

 ►UBICACIÓN: Situado no lugar de Mogüelos, parroquia de San André de Hío (Cangas do Morrazo). Consulta a súa ubicación exacta [aquí](https://www.google.es/maps/place/42%C2%B016'24.5%22N+8%C2%B051'00.8%22W/@42.2733829,-8.8603581,15z/data=!4m5!3m4!1s0x0:0x0!8m2!3d42.27348!4d-8.85023). ► DESCRICIÓN:  Terceiro dos grupos da estación rupestre de Mogüelos. Trátase dun gran afloramento que presenta na súa parede vertical dúas figuras coñecidas na literatura arqueolóxica como *escutiformes*. Descoñécese o significado deste tipo deseños triangulares, que nalgúns casos foi interpretado por algúns autores como ídolos antropomorfos, machados de dobre anel, escudos triangulares ou mesmo carros. Este tipo de motivos, aínda que pouco frecuente en Galicia, aparece noutras estacións rupestres galegas como [Auga da Laxe](https://skfb.ly/ORrK), [Pedra Ancha](http://oi66.tinypic.com/2evxl5y.jpg) ou [Castriño de Conxo](https://skfb.ly/JIuD).